گھوٽڪي (خبر چار نيوز)الحفيظ هائير سيڪنڊري اسڪول گھوٽڪي جي 8 شاگردن جو عالمي مقابلي ۾ شامل ٿيڻ جو اعزاز
سنڌ ايجوڪيشن فاؤنڊيشن ۽ حڪومت سنڌ جي سهڪار سان هلندڙ الحفيظ هائير سيڪنڊري اسڪول، ضلعي گھوٽڪي جي 8 شاگردن وڏي ڪاميابي ماڻي آهي. انهن شاگردن جونيئر انگلش اولمپياد 2024 ۾ شاندار ڪارڪردگي ڏيکاريندي ڪنسي جو تمغو حاصل ڪيو آهي.انهن شاگردن جي هن ڪاميابي سبب کين سڊني، آسٽريليا ۾ ٿيندڙ عالمي مقابلي ۾ شرڪت جو اعزاز مليو آهي. عالمي سطح تي سنڌ ۽ پاڪستان جو نالو روشن ڪرڻ لاءِ هي شاگرد هاڻي سڊني ۾ پنهنجو بهترين مظاهرو ڪندا.الحفيظ هائير سيڪنڊري اسڪول جي استادن ۽ انتظاميا هن ڪاميابي کي شاگردن جي محنت ۽ اسڪول جي تعليمي معيار جو نتيجو قرار ڏنو آهي. جڏهن ته حڪومت سنڌ ۽ سنڌ ايجوڪيشن فاؤنڊيشن پڻ انهن شاگردن جي همٿ افزائي ڪندي چيو آهي ته اهي مستقبل ۾ به اهڙيون ڪاميابيون ماڻي سنڌ ۽ ملڪ جو نالو روشن ڪندا. ڪاميابي ماڻيندڙ شاگردياڻين ۾ عليزه، انيشا، ماروي، ميرب، نويدا، صائمه، طاهره ۽ زهرا واحد شامل آهي.
