گهوٽڪي: آئي بي اي ٽيسٽ پاس ڪندڙ اميدوارن کي جوائننگ ليٽر نه مليو، احتجاج
آئي بي اي ٽيسٽ 2021 ۾ ڪامياب ٿيندڙ اميدوار، جن کي گذريل ٻن مهينن کان آفر ليٽر جاري ڪيا ويا، اڃا تائين جوائننگ ليٽر کان محروم آهن. ان سلسلي ۾ اميدوارن طرفان DEO سيڪنڊري مظفر شاهه جي آفيس اڳيان احتجاجي مظاهرو ڪيو ويو.احتجاج جي اڳواڻي نثار ڪوش، سرمد سنڌي، نازڪ سومرو، عديل ملڪ، ۽ سليم شيخ ڪئي. مظاهري ۾ ضلعي گهوٽڪي جي مختلف تعلقن مان آيل اميدوارن شرڪت ڪئي جن جو چوڻ هو ته 450 اميدوارن کي آفر ليٽر مليا، پر جوائننگ نه ٿي26 ڊسمبر 2024 تي 450 پي ايس ٽي استادن کي آفر ليٽر جاري ڪيا ويا.باوجود ان جي، اميدوارن کي اڃا تائين جوائننگ ليٽر نه ملي سگهيو.
28 فيبروري 2025 تي ڀرتي عمل جو مدو به ختم ٿيڻو آهي، جنهن سبب اميدوارن ۾ بيچيني وڌي رهي آهي.احتجاج ڪندڙ اميدوارن اختيارين کان مطالبو ڪيو ته فوري طور تي جوائننگ ليٽر جاري ڪيا وڃن، ٻي صورت ۾ احتجاج جو دائرو وڌايو ويندو.
