ڏهرڪي(خبرچارنيوز)سابق ايم پي اي سردار شھريار شر صحافين سان ڳالهائيندي ڄاڻايو ته ڄام مهتاب ڏھر سان سياسي اختلاف آهن، پر هو شر-ڏھر تڪرار ڪرائڻ چاهي ٿو، جڏهن ته ڪيترائي ڏھر منهنجا ڀائر آهن ۽ مون سان گڏ اليڪشن ۾ هئا. هن واقعي کي منهنجي خلاف سازش قرار ڏيندي، هن چيو ته ڪوڙي ايف آءِ آر داخل ڪئي وئي آهي، منهنجي ۽ منهنجي پٽ جي لوڪيشن ٽريس ڪرائي وڃي.هن دعويٰ ڪئي ته واقعي دوران هو خانپور تعلقه ۾ موجود هو، ۽ سياسي طور تي کيس هٽائڻ لاءِ منصوبا بڻايا پيا وڃن. مقتول ظفر ڏھر کي سازش تحت قتل ڪيو ويو، ۽ وارثن تي دٻاءُ وجهي، فرياد جو حق کسيو ويو.شھريار شر اعليٰ عملدارن کان واقعي جي جوڊيشل انڪوائري ڪرائڻ جو مطالبو ڪندي چيو ته جيڪڏهن منهنجي يا منهنجي پٽ جي مداخلت ثابت ٿئي ته مان جيل وڃڻ لاءِ تيار آهيان
