ڏهرڪي پوليس جي ڳجهي اطلاع تي ڪارروائي، وڏي مقدار ۾ غيرقانوني هٿيار هٿ ڪرڻ جي دعوا
ڏهرڪي پوليس هڪ اهم ڪارروائي دوران ڳوٺ حضوري مزاري مان وڏي مقدار ۾ غيرقانوني هٿيار هٿ ڪري ورتا. پوليس جي موجب، ڳجهي اطلاع تي ڪيل هن آپريشن دوران هڪ درجن کان وڌيڪ ڪلاشنڪوفون، جي ٿري رائفلون ۽ سوين گوليون هٿ آيون.
ڊي ايس پي اوٻاوڙو عبدالقادر سومرو پريس ڪانفرنس دوران انڪشاف ڪيو ته الهڏتو مزاري ۽ لياقت مزاري غيرقانوني هٿيارن جي وڪري سان واڳيل هئا. انهن هٿيارن کي شر گينگ ۽ مزاري گينگ تائين پهچائڻ جي منصوبابندي ڪئي وئي هئي، پر پوليس جي بروقت ڪارروائي سان هي وڏو منصوبو ناڪام بڻايو ويو آهي
