ميرپوماٿيلو(خبرخار نيوز) ڪمشنر گهوٽڪي ضلعي ۾ ايجوڪيشن ورڪس پاران جاري اسڪولن جي ترقياتي ۽ مرمتي ڪمن کي غير معياري قرار ڏئي ڇڏيو، ڳڻتي جو اظهار، اسسٽنٽ ڪمشنر کي پنهنجي پنهنجي تعلقن ۾ جاري اسڪولن جي ترقياتي ڪمن جو جائزو وٺي رپورٽ فراهم ڪرڻ جي هدايت، سرڪيولر جاري. خبر موجب ڊپٽي ڪمشنر گهوٽڪي ڊاڪٽر سيد محمد علي هڪ سرڪيولر جاري ڪندي ڄاڻايو آهي ته ضلعي گهوٽڪي ۾ ايجوڪيشن ورڪس پاران جاري اسڪولن جي ترقياتي ۽ مرمتي ڪمن جو دورو ڪرڻ دوران مشاهدو ڪيو ويو آهي ته اسڪولن جي ترقياتي ڪمن ۾ انتهائي ناقص مٽيريل جو استعمال ڪيو پيو وڃي، اسڪول جون عمارتون معيار مطابق ناهن، پي ڊبليو ڊي يا پي سي ون تي پڻ عمل ناهي ڪيو ويو جيڪو عمل ڳڻتي جوڳو آهي. ڊپٽي ڪمشنر سرڪيولر ذريعي پنجن ئي تعلقن جي اسسٽنٽ ڪمشنرن کي هدايتون جاري ڪندي چيو آهي ته ايجوڪيشن ورڪس کاتي جي لاڳاپيل انجنيئرن کي ساڻ ڪري پنهنجي پنهنجي تعلقي ۾ اسڪولن جي جاري توڙي مڪمل ٿي ويل ترقياتي ڪمن جي معيار توڙي مقدار جو ذاتي طور تي جائزو وٺي تفصيلي رپورٽ فراهم ڪئي وڃي
