اسلام آباد: قومي اسيمبليءَ پيڪا ايڪٽ ترميمي بل منظور ڪيو ويو آهي ،وفاقي وزير راڻا تنوير اهڙو بل پيش ڪيو، جنهن کي اڪثريت سان منظور ڪيو ويو آهي بل جي منظوريءَ بعد صحافين طرفان پريس گيلري مان واڪ آئوٽ ڪيو
ھوڏانھن صحافتي تنظيمن جي جوائنٽ ايڪشن ڪميٽي بل کي رد ڪندي چيو آهي ته وفاقي سرڪار پيڪا ايڪٽ ۾ ترميمون بغير ڪنهن مشاورت جي ڪيون آهن جڏهن ته بل جو مسودو هن مهل تائين صحافتي تنظيمن سان شيئر ناهي ڪيو ويو. اپوزيشن پارٽين پڻ بل جي مخالفت ڪندي ايوان مان واڪ آئوٽ ڪيو.صحافتي تنظيمن ۽ اپوزيشن پارٽين پاران بل جي منظوريءَ خلاف تحريڪ هلائڻ جو اعلان ڪيو ويو آهي.
