پاڪستان ۽ آسٽريليا وچ ۾ پهرين ٽي ٽوئنٽي ميچ اڄ برسبين ۾ کيڏي وئي، جنهن ۾ آسٽريليا پاڪستان کي 29 رنسن تان شڪست ڏئي ڇڏي.
آسٽريليا طرفان ڏنل 94 رنسن جي هدف جي تعاقب ۾ پاڪستاني ٽيم مقرر 7 اوورن ۾ 9 وڪيٽن جي نقصان تي 64 رنسون ئي ٺاهي سگهي.
پاڪستان طرفان حسيب الله 12 ۽ صاحبزاده فرحان 8 رنسون ٺاهيون، عثمان خان ۽ سلمان آغا 4، 4 ۽ بابر اعظم 3 رنسون اسڪور ڪيون جڏهن ته محمد رضوان، عرفان خان ۽ نسيم شاهه صفر رنسون ٺاهيون
شاهين شاهه آفريدي 11 رنسون ٺاهي آئوٽ ٿيو جڏهن ته عباس آفريدي 20 رنسون ٺاهي ناٽ آئوٽ رهيو.
آسٽريليا طرفان زيويئر بارٽليٽ ۽ نيٿن ايلس 3-3 وڪيٽون ورتيون.
برسات سبب ٻنهي ٽيمن 7 اوور في اننگز کيڏي، پاڪستان ٽاس کٽي بالنگ جو فيصلو ڪيو.
آسٽريليا طرفان گلين ميڪسويل 19 بالن تي 43 رنسون ٺاهيون، سندس اننگز ۾ 5 چوڪا ۽ 3 ڇڪا شامل هئا
ان کان علاوه ميٿيو شارٽ 7، جيڪ فريزر ۽ ٽم ڊيوڊ 9 رنسون ٺاهي پويلين موٽي ويا، آسٽريليا مقرر 7 اوورن ۾ 4 وڪيٽن جي نقصان تي 93 رنسون ٺاهيون.
پاڪستان طرفان حارث رئوف ۽ نسيم شاهه هڪ هڪ جڏهن ته عباس آفريدي ٻن رانديگرن کي آئوٽ ڪيو.
حسيب الله ۽ سلمان علي آغا پاڪستان لاءِ ٽي ٽوئنٽي ڊيبيو ڪيو هو، آسٽريليا خلاف
ٻئي طرف آسٽريليا طرفان مچل اسٽارڪ، جوش هيزل ووڊ، مستقل ڪپتان مچل مارش ۽ اوپنر ٽريوس هيڊ جي خدمتن کان سواءِ سيريز ۾ آسٽريليا جي قيادت ڪندو.
ٻنهي ٽيمن وچ ۾ آخري ڀيرو ان فارميٽ ۾ مارچ 2022 ۾ لاهور ۾ آمهون سامهون ٿيو هو جنهن ۾ آسٽريليا فتح حاصل ڪئي هئي.
واضح رهي ته آسٽريليا جي دوري ۾ ون ڊي سيريز کٽيندڙ پاڪستاني ٽيم وٽ ٽي 20 سيريز کٽي مزو ٻيڻو ڪرڻ جو سونهري موقعو آهي
