لاهور: (خميس: 03 آڪٽوبر 2024ع) پاڪستان ۽ انگلينڊ وچ ۾ ٽيسٽ سيريز لاءِ ميچ آفيشلز جو اعلان ڪيو ويو آهي.
ويسٽ انڊيز جو رچي رچرڊسن سيريز ۾ آءِ سي سي ميچ ريفري هوندو، پهرين ٽيسٽ ميچ ۾ سريلنڪا جو ڪمار ڌرما سينا ۽ بنگلاديش جو شرف الدوله سيڪت آن فيلڊ امپائرز طور خدمتون انجام ڏيندا.
ٻي ٽيسٽ ميچ جا آن فيلڊ امپائرز نيوزيلينڊ جو ڪرسٽوفر گيفيني ۽ سريلنڪا جو ڪمار ڌرما سينا هوندا.
ان کانسواءِ سيريز جي ٽِين ۽ آخري ٽيسٽ ميچ لاءِ ڪرسٽوفر ۽ شرف الدوله سيڪت آن فيلڊ امپائرز هوندا.
واضح رهي ته پاڪستان ۽ انگلينڊ وچ ۾ پهرين ٽيسٽ ميچ ست آڪٽوبر کان ملتان ڪرڪيٽ اسٽيڊيم ۾ کيڏي ويندي.
ٻنهي ٽيمن وچ ۾ ٻي ٽيسٽ به ملتان ۾ ئي شيڊيول آهي جيڪا 15 آڪٽوبر کان شروع ٿيندي، جڏهن ته سيريز جي ٽين ۽ آخري ٽيسٽ ميچ 24 آڪٽوبر تي راولپنڊي ۾ کيڏي ويندي.
