ملتان ٽيسٽ مئچ ۾ ويسٽ انڊيز پاڪستان کي 120 رنسن تان شڪست ڏئي ڇڏي.ويسٽ انڊيز پاڪستان کي کٽڻ لاءِ 245 رنسن جو هدف ڏنو هو، پر پاڪستاني ٽيم ٽئين ڏينهن تي 133 رنسن تي ڍير ٿي وئي.
ٽئين ڏينهن جي شروعات تي سعود شڪيل 13 رنسون ۽ نائٽ واچ مين ڪاشف علي هڪ رن ٺاهي آئوٽ ٿيا، جڏهن ته سلمان علي آغا 15 رنسن تي پويليئن موٽي ويو.
ٻيا رانديگر، ساجد خان 7، نعمان علي 6، ۽ محمد رضوان 25 رنسون ٺاهي آئوٽ ٿيا.
ٻئي ڏينهن تي، ويسٽ انڊيز جي 254 رنسن جي تعاقب ۾ پاڪستان جي ٽيم 76 رنسن تي پنهنجا 4 اهم وڪيٽس وڃائي ويٺي.
ڪپتان شان مسعود ۽ محمد هريڙو رڳو 2، 2 رنسون ٺاهي سگهيا، جڏهن ته ڪامران غلام 19 ۽ بابر اعظم 31 رنسون ٺاهي آئوٽ ٿيا.
ويسٽ انڊيز ٻي اننگز 9 رنسن جي برتري سان شروع ڪئي. ڪپتان برٿ ويٽ ۽ ميڪائيل لوئيس 50 رنسن جي ڀائيواري قائم ڪئي.
ميڪائيل 7 رنسن تي آئوٽ ٿيو، ان کان پوءِ عامر جنگو ڪپتان سان گڏ اسڪور کي 92 تائين پهچايو.
برٿ ويٽ 52 رنسن جي اهم اننگز کي نعمان علي ختم ڪيو. ويسٽ انڊيز جي اننگز ۾ رنسون ٺهنديون رهيون ۽ وڪيٽون به گرتيون رهيون، پر مجموعي اسڪور پاڪستان لاءِ مشڪل بڻجي ويو.
