ميرپورماٿيلو
ميرپورماٿيلو جي شهيد صحافي نصرﷲ گڏاڻي جي قتل ڪيس جي ٻڌڻي اي ٽي سي ڪورٽ ميرپورماٿيلو ۾ ٿي گذري گذري عدالت ۾ فريادي ڌر يعقوب گڏاڻي ۽ سندس وڪيل صلاح الدين پنهور پيش ٿيو، پوليس گرفتار جوابدار اصغر لنڊ کي پيش ڪيو عدالت پاران حاضري 13 ڊسمبر تائين ملتوي ڪري ڇڏي آهي، ان حوالي سان فريادي جي وڪيل صلاح الدين پنهور چيو ته شهيد جي ڪيس ۾ جاچ آفيسر جيڪا رپورٽ جمع ڪرائي آهي ان ۾ فريادي ڌر ۽ شهيد جي خون سان ناانصافي آهي هن چيو ته عدالت کي الاهي ڪهڙي جلدي هئي جو حتمي چالان منظور ڪيو ويو هن وڌيڪ چيو ته اسان ٿيل جاچ رپورٽ خلاف هاء ڪورٽ ويندا سين ۽ ٻيهر جوابدارن کي ڪورٽ جي ڪٽهڙي ۾ بيهارينداسين.
