ميرپورماٿيلو: نامعلوم ماڻهن جو ڀاڙي تي ڪار هلائيندڙ ڊرائيور تي حملو، زخمي اسپتال منتقل
خبر موجب شهر ۾ ڀاڙي تي ڪار هلائيندڙ ڳوٺ واڳڻي جي رهواسي وحيد شيخ مٿان نامعلوم ماڻهن پاران حملو ڪيو ويو، جنهن جي نتيجي ۾ ڊرائيور سخت زخمي ٿي پيو.اطلاع تي شهري ڪار اسٽينڊ تي موجود ماڻهن زخمي کي فوري طور ميرپورماٿيلو پوليس ٿاڻي تي پهچايو، جتان پوليس ۽ شهرين زخمي کي سول اسپتال ميرپورماٿيلو منتقل ڪيو، جتي سندس علاج جاري آهي.پوليس موجب، واقعو ڏوهارين جي ڪا ذاتي دشمني يا ٻئي ڪنهن معاملي جو نتيجو ٿي سگهي ٿو. وڌيڪ جاچ جاري آهي. شهري حلقن هن واقعي جي سخت مذمت ڪندي جوابدارن کي جلد گرفتار ڪرڻ ۽ متاثر ڊرائيور کي انصاف فراهم ڪرڻ جي گهر ڪئي آهي.
