ٻٻرلوء ( خبر چار نيوز ) گورنمينٽ بوائز ھائير سيڪنڊري اسڪول ٻٻرلوء ۾ سنڌ پروفيسرس اينڊ سبجيڪٽ اسپيشلسٽس ايسوسيئيشن (سپسا) جي مرڪزي اليڪشن ٽن سالن لاء سال 2025 کان 2027 ع تائين جي چونڊ ڪاميٽي جي چيئرمين سينٽرل اليڪشن ڪميشن اڪرم علي قاضي چونڊ ڪاميٽي جي ميمبرن جي نگراني ۾ ٿي گذري جنھن ۾ ڀٽائي پينل جو صدارتي اميدوار تعليمي ماھر سيد اسرار احمد شاھ چوٿون ڀيرو بنا مقابلي مرڪزي صدر چونڊجي ويو جڏھن ته ڀٽائي پينل جا ٻيا عھديدار سينئر نائب صدر سيد ريحان علي۔نائب صدر جاويد احمد انڙ۔نائب صدر فيميل ميڊم حميرا شاھين مڱريو۔ سيڪريٽري جنرل زاھد حسين ھليو۔ سينئر جوائنٽ سيڪريٽري علي احمد راڄپر۔ جوائنٽ سيڪريٽري ميل چندو راء مل راساني۔ جوائنٽ سيڪريٽري فيميل ميڊم فرحانه جعفري۔ خزانچي رانا نويد يوسف ۔سوشل ڪلچرل اڪيڊمڪ سيڪريٽري رضا محمد باجڪاڻي۔ انفارميشن سيڪريٽري عبدالمالڪ بلو ۽ آفيس سيڪريٽري نياز حسین ٻرڙو به بنا مقابلي چونڊجي ويا آخر ۾ ڀٽائي پينل جي بنا مقابلي نئين چونڊجي آيل صدر سيد اسرار احمد شاھ ڳالھائيندي چيو ته آء پھريان جيئان ھاڻي به سپسا تنظيم کي وڌيڪ مضبوط ۽ سگھارو ڪرڻ لاء ساٿين سان گڏجي ڪري جدوجھد ڪندس اسان جي پھرين ترجيع استادن جا جائز بنيادي مسئلا ڪرڻ ۽ بھتر تعليمي ماحول پيدا ڪرڻ آھي اسين سپسا تنظيم پاران سال 2025 ع کي تعليمي سال ڪري ملھائينداسين اسان سمورن استادن جا احسان مند آھيون جنھن ڀٽائي پينل تي مڪمل اعتماد ڪري بنا مقابلي چونڊرايو آھي اسين به انھن جي اعتماد تي پورا لھنداسين پريس بيان ۾ سيد اسرار احمد شاھ وڌيڪ چيو ته اسان جي اھا ڪوشش آھي ته ديس جو ھر ٻار آساني ۽ آزادي سان تعليم حاصل ڪري سگھي ۽ سنڌ جا سمورا ھائير سيڪنڊري اسڪول شاد ۽ آباد ھجن وطن جي سڄن ٻالڪن جي ھٿن ۾ ڪتاب ۽ قلم ھجن سپسا جي جي پليٽ فارم تان تنظيم جي سمورن يونٽن کي وڌيڪ مضبوط ڪرڻ لاء ڪوششون ڪنداسين ۽ استادن کي پاڻ سان گڏ کڻي ھلنداسون
