ڪراچي: اسٽيٽ بئنڪ آف پاڪستان پاليسي ريٽ ۾ گهٽتائي جو اعلان
ڪراچي: اسٽيٽ بئنڪ آف پاڪستان (ايس بي پي) سومر تي پنهنجي اهم پاليسي ريٽ 100 بيسس پوائنٽس (بي پي ايس) گهٽائي 13 سيڪڙو کان 12 سيڪڙو ڪرڻ جو اعلان ڪيو آهي.
اڄ اسٽيٽ بئنڪ نئين سال جي پهرين مانيٽري پاليسي جو اعلان ڪندي. مانيٽري پاليسي ڪميٽي جو اجلاس اسٽيٽ بئنڪ جي گورنر جميل احمد جي صدارت هيٺ ٿيندو، جنهن کانپوءِ 2025ع جي پهرين مانيٽري پاليسي پيش ڪئي ويندي.
اقتصادي ماهرن موجب، ملڪ ۾ مهانگائي جي شرح ۾ گهٽتائي جي ڪري وياج جي شرح ۾ وڌيڪ گهٽتائي جو امڪان ظاهر ڪيو ويو آهي. سروي موجب، 1.5 کان 2 سيڪڙو گهٽتائي متوقع آهي. جنوري 2025ع ۾ مهانگائي جي شرح 3 سيڪڙو کان گهٽ ٿيڻ جو به امڪان آهي.
ياد رهي ته اسٽيٽ بئنڪ مسلسل 7 ڀيرا پاليسي ريٽ ۾ گهٽتائي ڪندي 9 سيڪڙو تائين گهٽايو آهي. موجوده وقت ۾ بنيادي وياج جي شرح 13 سيڪڙو تي آهي. وزيراعظم شهباز شريف به وياج جي شرح ۾ وڌيڪ گهٽتائي جي اشارن سان معيشت کي هٿي ڏيڻ جي عزم جو اظهار ڪيو آهي.
